Plantun de Prouvènço

Pèr coumpara dos planto d'encò nostre

Muscari botryoides & Lithospermum officinale

Barralet-pichot

Muscari botryoides

Asparagaceae Hyacinthaceae

Autre noum : Cebihoun.

Nom en français : Muscari faux botryde.

Descripcioun :
Lou barralet-pichot èi pas tant coumun que soun cousin, lou barralet, Muscari neglectum. Trachis dins li bos e prado umido de plano e en mountagno. Pèr lou destria, fau regarda li fueio un pau plato, emé lou bout en capouchoun e que soun pu courto que l'enflourejado e souvènt dreissado. Tambèn li flour soun quàsi tant larjo que loungo e lis enflourejado mens sarrado. Coumpara emé lou barralet que ié sèmblo proun.

Usanço :
Li cabosso se manjon cuecho en liéume. Èi poussible de tasta li jòuini fueio e li flour.

Port : Erbo
Taio : 5 à 30 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Muscari
Famiho : Asparagaceae
Famiho classico : Hyacinthaceae

Ordre : Asparagales

Coulour de la flour : Bluio
Petalo : 6
Ø (o loungour) flour : 0,4 à 0,8 cm
Flourido : Printems Ivèr

Sòu : Ca
Autour basso e auto : 0 à 2200 m
Aparado : Noun
Mars à jun

Liò : Prado umido - Blachiero - Melounié - Castagnaredo
Estànci : Mesoumediterran à Subaupen
Couroulougi : Éuroupenco
Ref. sc. : Muscari botryoides (L.) Mill., 1768

Erbo-di-perlo

Lithospermum officinale

Boraginaceae

Àutri noum : Erbo-de-la-perlo, Erbo-perliero, Tè-perla.

Noms en français : Grémil officinal, Herbe aux perles.

Descripcioun :
Aquelo planto, un pau grando, se recounèis majamen à si fru blanc qu'esbrihon coume de perlo. Autramen, quouro flourejo, sèmblo proun à l'erbo-de-la-pisseto, mai èi proun grando, majamen si fueio. Peréu s'atrobo pas dins li mémi relarg.

Usanço :
L'erbo-di-perlo èi couneigudo pèr bèn ajuda à pissa (diuretico). Sougno li graviho dóu ren. Se pren en tisano un cop la planto seco. Servié peréu pèr leva de gran dis iue emé la grano (de bouta souto la parpello de dessouto).